Joi e iovens et avinens faissos,
dompn’ e∙l gen cors d’enseignamen noiritz
vos ant pretz dat, q’es pels meillors auzitz,
e, per ma fe, si m’aventura fos
qu’ieu ni mos chans ni m’amors vos plagues,
lo mieils de pretz auri’en vos conques
e de beutat, e puosc o dir en ver,
que per auzir o sai e per vezer.
Eu, Raembautz de Vaqeiras
si fui fills d’un paubre cavallier de Proenssa,
Peirobs, et era tengutz per fol.
Si·m fei ioglars, ben sabia cantar
et far coblas et serventes.
Et estei lonc temps ab lo prince d’Aurenga,
et el mi fetz gran honor,
e·m fetz conoisser e prezar a las bonas gens.
E vinc m’en a Monferrat, a meser lo marques Bonifaci.
Et crec me de sen e d’arnes e de trobar.
Et enamorei me de la seror del marques,
que fo moiller d’En Haenric del Carret,
que avia nom ma dompna Biatritz.
